Bīdreiba „Latgolys Studentu centrs” aicynoj jaunīšus da 29. juļam pīsasaceit daleibai seminarā „Atzolys”, kurs nu 18. da 21. augustam nūtiks gostu sātā „Višķezers”.
Seminars teik reikuots ar mierki aicynuot jaunīšus aktivi īsasaisteit demokratejis i piļsūniskys sabīdreibys veiduošonā, tūs izgleitojūt vaicuojumūs, kuri saisteiti ar socialekonomiskim faktorim i Latgolys regiona sovpateibom. Seminaru i projekta nūtikšonu finansej „Sabīdreibys integracejis fonds”.
Četru dīnu laikā jaunīši tiks aicynuoti pīsadaleit apvuiceibuos par piļsūniskuma prasmem, drūsumspieju i iniciativom. Seminarā pīsadaleis dažaiduoki eksperti i lektori, uzjiemieji, pošvaļdeibu jaunuotnis darbinīki. Apvuiceibu laikā jaunīši sajims nūdereigu informaceju i vareibu attteisteit sovys piļsūniskuos prasmis. Apvuiceibu laikā tiks taiseiti ari video par piļsūniskumu i iniciativom.
Daleiba seminarā „Atzolys” ir par veļti ar konkretu dalinīku skaitu. Deļtuo jaunīšus vacumā nu 18 leidz 25 godim aicynojam jau sovlaiceigi syuteit motivacejis viestuli iz e-postu: daugovpils@lgsc.lv, nūruodūt tematu: Atzolys.
Vaira dazynuošonys: Jurs Kučinskis, 22187649
Seminaru „Atzolys” bīdreiba „Latgolys Studentu centrs”. Seminara eistynuošonu atbolsta „Sabiedrības integrācijas fonds”.
